東網:【打電話問候..　黎瑞恩擔心蔡一智 蔡一智 ：好抱歉..】
歌手 黎瑞恩Vivian （小恩子）以嘉賓及投資者身份出席 林敏驄 作品展，由於小恩子開設的製作公司首次投資演唱會即遇上塌台，她說：「天將降大任於斯人，必先勞其筋骨，咁大鑊嘅嘢，下次遇到都識處理。」她坦言親眼目擊草蜢與舞蹈員塌台一刻，小恩子說：「我企喺台邊，突然聽到嘭一聲，全部人跌晒落去。」

小恩子承認塌台影響心情及演出，她說：「尋晚一直呆，已經驚唱歌，台底又亂七八糟，啲出場位變晒同一個位出。」由於第一晚超時導致要罰錢，問到投資者之一的小恩子有否損手？她說：「啱啱通知我只係賺少啲，當攞一個寶貴經驗，呢兩晚都係滿座。」問到林敏驄作品展開Part 2會否繼續投資？小恩子說：「其實我間公司得我一個人，感恩製作公司好似好多商機咁，好多嘢接洽我，叫我投資演唱會、電影、音樂劇，手頭上都好多計劃。」並透露剛開設的製作公司是為林敏驄作品展而成立，問到知否作品展有否買保險？小恩子說：「唔清楚，我只係參與畀錢部份。」

小恩子透露有致電塌台受傷的蔡一智，她說：「有打畀佢，都擔心佢，真係好抱歉，尋晚大家都開會開通宵，辛苦啲工作人員。」