苹果：【唱《美少女戰士》三缺一】湯寶如 汤宝如 希望合體 王馨平 Linda王馨平：未試過喺電視合唱..
【新增內容】

喺噚晚大台嘅節目《懷舊經典50年》，王馨平就現身唱歌，其中兩首仲今日洗咗facebook版，分別就係《我和殭屍有個約會》嘅主題曲《夢裡是誰》，同埋《美少女戰士》，想當年呢首歌係周慧敏 、王馨平、湯寶如三個合唱，雖然噚晚就只係得王馨平同湯寶如兩個，但係都已經搞到網民好開心。
今日《蘋果》就問到王馨平，點解三缺一，唔見周慧敏一齊唱，佢就話：「嗰晚係TVB個騷搵我，原本係唱《在你走的一天》，即係我第一隻歌，但到咗臨時就改咗唱《夢裡是誰》，佢哋話有網民要求。又可能佢哋內部開會，想我同湯寶如合唱《美少女戰士》，其實好好啊，因為咁耐以嚟，都好似未試過真正喺電視live咁合唱，真係好開心。」
《蘋果》都有問到湯寶如有冇搵過周慧敏 ，佢就話：「其實我哋有聯絡過佢，不過可能時間上問題啦，希望有機會合體再一次唱《美少女戰士》。」
對於王馨平同湯寶如合唱《美少女戰士》被網友洗版讚好，周慧敏以短訊回覆：「我也有看到，很喜歡﹐我也有畀like。」問到點解唔上節目呀？觀眾都想睇你哋合體唱《美》，Vivian表示：「有機會的，讓我想想。」