東網:【29+1】黎美言生日獲神秘朋友陪過12點..

今日是前組合Hotcha成員 Winkie黎美言 的三十歲正日生日，她透露這兩個星期已有不少朋友約她慶生，未到正日已經切了六個生日蛋糕，笑言要好好工作報答朋友。提到今年踏入三字頭，Winkie坦言也有少許心理關口及有點壓力，她希望自己能更加成熟，她說：「今年開始從商教，希望幕前幕後都兼顧到，做個有內涵嘅女人，keep住咁靚，做個美魔女，我嘅生日願望係做個成功多方位藝人。」

餐廳開迷你演唱會

另外，Winkie又指三十歲過得很難忘，日前開了一個個人的迷你演唱會，紀念入行十周年﹕「坐爆咗餐廳嘅人數，好多朋友二話不說過嚟撐我，我兩個隊友同其他朋友都有過嚟支持我，本來兩個鐘，但超時變咗三個鐘，要多謝蕭定一老闆，借咗個場地畀我，又畀咗好大折扣。仲要多謝我嘅泰拳學生、朋友同粉絲。」

至於生日前夕，Winkie表示：「有朋友同我慶祝一齊過12點，佢買咗生蠔、海膽、酒同小禮物喺屋企撐枱腳，多謝我呢個神秘朋友。（你呢位神秘朋友係之提過有好感嗰位？）男仔唔止一個有好感，同唔同朋友相處吓先。」