苹果:【直認咸濕!!!】四女主持逼供問情史 林作 林作Joseph：我擔心唔夠尖銳咋.....!

黎美言 Winkie黎美言 、陳蕊蕊 陳蕊蕊yuri 、彭慧中 彭慧中Phoebe 、「藍莓」劉俐 刘俐Rosella 噚晚喺觀塘出席面包台新節目《女人私密》記者會，蕊蕊同Winkie都話節目入面多數講爆料，會講吓人哋同自己嘅事，蕊蕊話：「已經收到order，平時唔講嘅今次都會講，例如情史，唔介意提金剛，反正都講咗咁耐。」問蕊蕊情路上有冇受過傷害同大家分享？佢話：「touch wood，又唔覺有，我遇到嘅對象都ok，只係唔可以一齊落去，唔啱，目標唔同。」Winkie之前講過出現咗有好感嘅對象，會唔會喺節目入面分享吓？佢話：「我驚講咗出嚟之後，件事明明係得嘅都變咗唔成功，所以都係低調啲。」

今集請咗林作做嘉賓，Winkie同蕊蕊都話唔識對方，所以事前上網搵過林作嘅情史，會好deep鑽窿問到底關於佢同麥明詩嘅感情事。林作曾經係大律師，逼供會唔會有壓力？佢哋笑話：「好彩我哋四對一，真係要感受吓佢嘅口才。」Winkie噚晚着咗低胸裝現身，佢笑話會試下誘惑佢等佢講多啲嘢。

至於林作就寸嘴話：「我擔心唔夠尖銳咋，你知我把口都有啲辣，希望佢哋問到啲堅揪嘢啦！」雖然講到明會問同麥明詩拍拖嘅事，林作都話有冇怕：「咪問囉！點答係喺我把口度嘅。我其實都係唔答，答親都冇好下場，我會盡量轉移視線喺嗰四個女仔身上。」
林作坦言試過真實回答，最後只係得到負評，所以盡量控制自己講下其他女人。有冇準備分享追女仔話題？林作幽默地笑話：「我一出世已經準備好喇。」Winkie用性感低胸誘惑你鬆口？林作笑話：「呢啲一定要畀面，唔畀就違反市場，大腦思考，身體已經好誠實，把口就會鬆啲想講嘢。」跟住佢仲反問大家：「監製有冇話可唔可以追四個女仔？等我一開波就去炒牌先。」

林作有口才，應該主持同類型節目，佢就話要睇經理人范振鋒 范振鋒Ricky 做頭，佢自嘲話：「不過我o依家做親乜都冇好反應，已經成為定律，做乜都衰，不過畀啲時間啦，我就好似支酒咁，要浸出味道。」而節目中，林作要接受測試，睇佢娶唔娶到有錢老婆，測試反應呈現紅色氣場，即係代表咸濕，林作直認：「冇爭議!」
攝影：仇志德