TVB新剧｜中戏开学Hugo《青春本我》戏份先拍，与黎燕珊演母子获前辈称赞

黎燕珊在社交平台分享拍摄《青春本我》的花絮照，见她跟黄奕斌（Hugo）合照，莫非是演他的妈妈？珊姐接受《晴报》电话访问，她表示：“好开心呀！今次剧集算系大客串，公司力捧呢班人气新人，想畀我哋班资深演员都支持一吓，畀我哋过戏瘾，导演系上一次《法证先锋IV》合作过嘅，今次邀请所以一口答应。”

她表示由于《声梦》和《盛‧舞者》人数众多，一时都未完全认到所有人，不过她今次演Hugo的妈妈，所以特别关注到他，“我对佢印象好好，佢高大靓仔，拍摄期间我、导演等等都有带佢入戏，佢好受教、好谦虚，绝对系好有条件入行。”

珊姐透露由于Hugo快要赶回北京开学，所以先拍他们两母子的戏份，“同佢哋拍戏真系被影响到，连自己都感觉后生埋，佢年纪其实仲细过我真实仔女，戏入面好紧张佢读书要闹佢。Hugo话见到我闹佢都打冷阵，因为语气真系好似佢阿妈，咁我就教佢当我系真阿妈去做，佢吸收得好快，而且过程中好有礼貌，抵赞！”

珊姐对Hugo赞口不绝，她笑言短短几场戏建立出不错的母子感情，她说：“我加入TVB之后，真系多咗好多仔仔女女，不过最年轻嘅仔就系Hugo！”

（晴报）

青春本我黎燕珊hugo黄奕斌