藏族藏族 学好本民族的语言文字 ཨ་མདོ་བ། དབུས་གཙང་བ། ཁམས་པ། ཀུན་གྱིས་ཕ་སྐད་གཅིག་པ་སྨྲ། མོན་པ། ལྷོ་པ། སྟེང་པ། མོ་གཅོ་བ། ཀུན་གྱིས་ཕ་སྐད་གཅིག་པ་སྨྲ། འབྲུག་པ། འབྲས་ལྗོངས། ལ་དྭགས། རྟ་མང་། ཤར་བ། བྷོ་ཊ་བ། ཀུན་གྱིས་ཕ་སྐད་གཅིག་པ་སྨྲ།འཇང་ཡུལ་གྱི་བོད་དང་བྷོད་མི་ཡང་གདོང་དམར་བོད་ཀྱི་རྒྱུད་པ་ཡིན། ཕ་སྐད་ནི་རང་རིགས་སྤུན་ཟླའི་བློ་སེམས་གཅིག་ཏུ་སྦྲེལ་བྱེད་ཀྱི་གསེར་ཟམ་དང་། ཕྱོགས་བཞིའི་ཤེས་རིག་ནང་དུ་བསུ་བའི་དྲི་མེད་ལྷ་དར་ཡིན། ཕ་སྐད་ནི་ཨ་ཕའི་དཀར་ཡོལ་དུ་འཁྱིལ་བའི་ནས་ཆང་སྔོན་མོ་དང་། ཨ་མའི་ཕྱག་སོར་ན་རྒྱུ་བའི་ཕྲེང་བའི་རང་སྒྲ་ཡིན། ཕ་སྐད་ནི་གངས་ཅན་སྟག་ཤར་ཀྲོང་ངེར་འགྱིང་བྱེད་ཀྱི་སྒལ་ཚིགས་དང་། བསིལ་ལྗོངས་སྨན་ཆུང་མདུན་དུ་སྐྱོད་བྱེད་ཀྱི་ཞབས་ཟུང་ཡིན། ཕ་སྐད་ནི་བོད་མི་ཡོངས་ཀྱི་རླུང་རྟའི་དར་ཆེན་ཡིན།
-《ཕ་སྐད》 ལྷོ་བ་འགྱུར་མེད་རྡོ་རྗེ།