即時娛樂新聞 「繼MIRROR ERROR後 香港資深著名男填詞人黄伟文 被提名入圍全球百大型男 IG發表退選宣言：俾我退選啦唔該..」
美國電影網站tccandler 每年都會舉行「全球百大型男」和「全球百大美女 」排行榜，ViuTV人氣男團MIRROR及ERROR共16人全員先後入圍競逐，最新再有一名香港著名填詞人成功入圍，佢就係黃偉文（Wyman），不過似乎佢唔係好想入圍，仲喺個人社交網站發表「退選宣言」。

現年52歲嘅黃偉文，係香港著名填詞人，多年嚟有唔少膾灸人口嘅作品。除此之外，佢嘅潮流觸覺亦相當敏銳，被網民封為「潮流教父」。繼MIRROR及ERROR後，黃偉文成功獲TC Candler官方認可，正式入圍提名「全球百大型男」，但佢事後喺個人社交網站發表「退選宣言」，出PO寫話：「《退選宣言》： 首先，成件事我並無「參賽」完全被動，被題名咗都唔知咩事。 陪大家開個玩笑，被大家惡作劇一下，喺疫情中提供一點歡樂，我係ok嘅，但我係無份用任何方式「搞」自己入去呢個名單嘅，非我性格亦非我所求，唯獨呢件事一定要講清楚。

講完，請大家各適其適，繼續enjoy 呢個玩笑（自己知自事我諗唔會唔係玩笑而真係有咁多人覺得我有機會成為全球百大美男啩哈哈哈）。 不如大家笑過就算，尊重吓我意願，俾我退選啦唔該！真係唔駛恭喜我啦喂 我貪呢啲嚟做乜唧 我好想知究竟呢個選舉係咪有一個人提名就得㗎啦 其實到最後入選呢個名單嘅人數會唔會有幾百萬個㗎 真正最想問係有冇得唔接受提名要求有關方面將我除名㗎 等其他實至名歸嘅人去選啦」
（來源：yahoo娛樂圈） 香港