坤哥27岁日籍艺人老婆曝光

32岁的吴业坤（坤哥）今日凌晨在IG公告已婚：“小弟结婚了，感觉好微妙，一直都觉得自己仲系小朋友咁，唔知道几时先叫大人，可能调番转要比（俾）佢照顾番。”坦言好幸福嘅新任人夫仲话：“最后暂时关于她的事情都想留一点空间，日后再介绍给大家认识，谢谢大家。”

但网民实在太强大，坤哥结婚消息公布两个钟，网民已从坤哥耳仔嘅一粒癦将坤嫂起底，原来系27岁嘅日籍艺人及主持浜口爱子，今年27岁，5呎4吋高，拍过戏同剧又会做主持及DJ，有可爱爆牙，身材仲相当唔错。其实坤嫂亦有在个人Twitter公告结婚消息，但自坤哥公布结婚后坤嫂即将Twitter Set晒Private。

有消息指已在日本数月的坤哥计划下星期返港，坤嫂的Twitter除贴咗遮住坤哥样嘅结婚相外，亦透露已结婚，上月尾已离开旧经理人公司，未来会将生活基地搬到海外，更公开点解会嫁畀坤哥，“第一次喺海外生活，一个新环境及新开始，我想同一个总系令我开怀大笑嘅愉快伙伴一齐，边行边互相扶持。”被连登巴打疯狂羡慕嘅坤哥娶到日本妹全因够搞笑。
吴业坤