是日傍晚，去咗朋友之前帶我去嘅越秀區北京路附近嗰間<東北餃子館>食餃子。

我枱旁邊一對中年男女（雖然我都係中年了），因為對某款餃子餡料特別鐘情，話同類型餃子館都冇整，得呢度之前嚟食重偶尔有整嚟賣，重話認得出個老闆，但唔知老闆佢哋認唔認得到佢倆。

跟住個女顧客就突然同個老闆娘講起嗰款餡料嘅特別，贊好鐘意，順勢問老闆哋係咪之前喺海珠區江南西開嘅嗰檔。

老闆娘就驚喜回復「是啊！」
然後繼續傾咗下餡料嘅特別......

後面從廚房出嚟嘅老闆啊叔，一出嚟，就認得對男女顧客，並好具體可以講返出佢哋之前做乜工作之類，之前喺江南西啊，經常帶住小朋友過嚟食等......

然後我瞬間感受到雙方都好感恩於，彼此都記得自己。

作為熟客，記得老闆，
作為老闆，記得熟客......

跟住位女顧客，再強調，真係好鐘意嗰款口味，開玩笑噉話，如果下次再嚟，可唔可以做一下嗰款餡料嘅餃子（好似係乜茴香雞蛋，純素嘅）。

老闆啊叔爽快話可以。

突然就感覺到嗰種好街坊情懷嘅，好人情味嘅感覺，就好似平時睇開嘅香港電台<星期日檔案>嗰類記實訪談類節目，或者tvb之前嗰檔<屋邨遊樂團>節目噉。

我喺旁邊一路食住我嘅餃子，一路默默聽住佢哋對話。

P.S.特此分享，以作記錄。
偷听广州人情味街坊怀旧 广州·越秀