內地網紅周揚青自從與中國台灣舞王羅志祥分手後不愁寂寞，曾撻着小鮮肉男星段星星，早前佢更被拍得現身婚紗舖，爆出疑好事近，但事後佢又於直播透露目前單身，似乎已低調分手。2月16日深夜周揚青突然拋出震撼彈，網晒多張婚紗相，令網民驚訝：「所以新郎是誰」，不過佢就留言表示：「從今天起，你的人生由你自己書寫」，佢又指婚紗係佢送畀自己嘅禮物，強調婚紗唔係結婚先可以着，表明：「不需要別人饋贈」，引來網民熱烈回應：「希望你身邊那個人快出現」、「婚紗也太適合你了吧，真的好美哦，所以今天你要嫁給我嗎」。