圖片文字節錄轉載自《晴報》

陳慧嫻美國開騷與許靖韻唱舊歌 泳兒生日全場合唱送收連環驚喜

陳慧嫻早前跟同屬一間唱片公司的泳兒（Vincy）、許靖韻（Angela）到美國加州舉行兩場演唱會，首場演出剛好是Vincy的生日，陳慧嫻除了送上大利是外，更安排連番驚喜，令Vincy過了一個難忘的生日。

過去幾年受疫情影響，海外演唱活動幾乎全面停頓，直至今年好轉，海外show相繼復甦，陳慧嫻便再次去美國舉行演出。她透露上一次到美國是五年前的事，十分掛念歌迷，說︰「好開心再一次嚟到美國表演，有啲歌迷都同我講，前幾年睇完我美國演唱會後都一直好掛住，想我快啲再過嚟開個唱，希望遲啲再有呢個機會。」三人首次合作開show，陳慧嫻跟Angela合唱《跳舞街》和《千千闕歌》，陳︰「我很好奇為何以她的年紀認識我的歌曲？」原來Angela小時候，父母經常聽陳慧嫻的歌，所以十分熟悉。

這次行程亦令Vincy十分難忘，因為陳慧嫻在台上悉心安排驚喜環節，前者說：「綵排時，主辦方煞有介事叮囑同慧嫻姐姐合唱完唔需要傾偈環節。真正On show時，合唱後慧嫻姐姐唔想離開，原來係全場大合唱生日歌！突然收到幾千人祝福，好驚喜。」

陳慧嫻笑指：「我向Band leader同監製提議喺台上畀驚喜佢，帶領觀眾一齊同Vincy唱生日歌，見到佢驚喜個樣我都好滿足。」驚喜一浪接一浪，完show後主辦同Vincy切蛋糕時，陳慧嫻封了利是給她，「祝佢以後一切順利，有個開心難忘嘅生日，再一次見到佢驚喜個樣，諗番都覺得好笑。」

陈慧娴Priscilla 陳慧嫻 PriscillaChanWaiHan