「螞蟻睇天下」63歲朱寶意與吳奇隆同月同日生日相約慶祝 男神疑凸腩發福近照曝光

80年代「神仙姐姐」朱寶意，曾與成龍、周潤發、張國榮及梅艷芳等合作過拍電影，出道10年累積30幾部作品，佢於1994年淡出演藝圈；63歲朱寶意於10月29號喺社交平台貼出與吳奇隆一齊慶祝生日嘅合照，見朱寶意風韻猶存，而90年代男神吳奇隆明顯有啲發福。

朱寶意當年曾喺電影《英雄本色》飾演張國榮女友Jackie，係戲中唯一女主角，仲有經典代表作《胭脂扣》，由於佢眉清目秀有「神仙姐姐」封號，朱寶意於1996年後息影在家相夫教子。朱寶意湊巧吳奇隆同月同日生日，兩人私交甚篤，多年來一直相約一齊慶祝，朱寶意喺IG貼出與吳奇隆多張合照並寫道：「又一年了，祝大家生日快樂、平安健康！」

相中見63歲朱寶意保養得宜，氣質與美貌依舊，據知朱寶意與吳奇隆喺1990年因拍 《小俠龍旋風》而成為好友，多年來感情要好，吳奇隆叫朱寶意為「皇太后」，當日吳奇隆與劉詩詩結婚，亦有邀請朱寶意出席婚宴，朱寶意曾讚劉詩詩超貼心，試過問劉詩詩邊度買畢業禮服，劉詩詩幫忙搵，又每日發圖畀佢睇，最後更直接寄咗一套畀佢。

#朱寶意 #吳奇隆 神仙姐姐 男神 英雄本色 張國榮 女友 皇太后 生日 劉詩詩