马国明因太忙无缘庆功宴 坚称冇同郑嘉颖闹交

马国明今晚现身尖沙咀出席《飞常日志》煞科晚宴，他接受访问时，透露在新剧中演机场管理局职员，表示：「学到好多飞航知识，会遇到好多机场唔同慨突发事故，应变同埋点样紧急去处理，拍呢一出戏，剧本都学到好多嘢，机场有好多好基本慨知识。」他继续指新剧会同蔡思贝有感情线，不过剧中并不是主打感情故事。

至于与未婚妻汤洛雯现时最新的筹备情况，他坦言：「可以透露慨都透露晒啦！我哋好快就会出发，有好多嘢要搞，之前应承咗广告慨嘢又要拍咗渠先。上个月一路话要拍慨嘢，因为新剧拍紧，变咗一路延迟呢几日清晒渠，之后就可以出发飞。」讲到明天《新闻女王》庆功宴，他表示：「真系去唔到，因为太忙，有嘢要做同广告要拍，我仲未出发！」

被问到最近网民指好兄弟郑嘉颖是双面人，他说：「我又唔知道点解件事会传到咁样，首先我要同大家讲，就系我同郑嘉颖冇闹过交，真系我唔知点解会讲到咁，我唔知系唔系因为有剧上紧，大家可能要呢啲新闻啦，我成日都话如果你熟嘉颖，你知渠讲嘢系点样，你知渠讲紧咩，如果你唔了解渠，可能细个觉得佢好串，可能有啲误会挂！我都唔明白件事点解会传到咁。」提到郑嘉颖的表弟王贤志暗寸某人「双面人」，他说：「首先我唔知道渠哋慨关系啦！渠哋话渠出咗篇嘢，我冇睇到嗰篇嘢，我又唔系当事人，所以我唔会评论人哋啲嘢，问返当事人会好啲。」

对于网民相当好奇郑嘉颖是否已经约好食饭一事，他笑说：「有讲过㗎，有讲过㗎！『你婚礼我哋嚟唔到㗎喇，返嚟之后有机会食餐饭补返啦！』确实日子就未定到，成个婚礼完咗返嚟先再睇吓点样，我仲有几日《新闻女王》先完，我可能都要睇大结局，大结局前会返嚟慨，同郑嘉颖几时再食饭呢，就要等婚礼完咗先再决定啦！所以我成日都话我哋好难约食饭，我哋『铁马家族』都唔系个个月食饭，可能一年食一次饭，可能嗰一日就到四个出嚟食啰！一次饭局冇嚟，就可能要等下一年，就两年后先再见面，啲人好强调话，哗你两年冇出席过『铁马家族』聚会，其实而家真系好难约，林子善都有个小朋友，咁就冇办法啦！相信我第时结咗婚有小朋友，都会再难聚会啲，尽量去安排！」