高海宁获汤洛雯点名接花球 惊讶回应：唔得喎 要搵咗男朋友先

高海宁昨日现身尖沙咀出席《飞常日志》煞科晚宴，她接受访问时表示：「今次我慨角色系做机场客运经理，基本上如果各位喺机场客运大楼度有问题，都系会关我事！」她继续指在剧中会与洪永城、马国明、蔡思贝同埋徐荣系Buddy，并表示：「我哋成日都一齐做对手戏！」

高ling早前赴澳洲作为姐妹团成员出席了王丹妮与罗孝勇的婚礼。对于网民相当好奇与王丹妮是怎样认识，她表示：「我同渠认识咗17年，就嚟18年，我哋喺06年模特儿比赛度认识，当时我同渠都系参赛者，然之后渠就赢咗总冠军，嗰阵时有两个冠军，嗰阵时渠慨身形都系行同Catwalk做Model，全线喺Model界发展，我就签完约之后就读紧书，之后就去咗参加香港小姐，大家就冇再一齐工作，咁多年来私底下我哋都有约食饭。」至于婚礼有否感动流泪，她坦言：「有啊！我话畀你听喊咗几次，由渠晏昼行礼，行礼慨时候我哋见到新娘子拖住渠由门口行入嚟嗰一幕，眼泪已经开始流，要讲我愿意之前就有一堆说话要讲，讲嗰堆嘢慨时候我哋又喊，睇到新郎哥眼神完全离开唔到王丹妮，跟住讲佢话系全世界最幸福慨男人，可以娶到渠，跟住渠又喊。我哋作为姊妹都好戥渠地开心。」提到当天谁能够接到花球，她笑说：「系罗孝勇当地澳洲慨朋友。」

讲到好姊妹汤洛雯即将举行婚礼，点名想高海宁接花球，她惊讶回应：「系咩？渠讲过想我接花球咩！唔得喎！要搵咗男朋友先喎，因为听讲接咗花球，唔知要几耐时间内结婚，如果唔系就冇咁好，所以嗰日我希望顺其自然，如果花球抛到去我面前，我一定会接住佢啦！因为花球唔可以跌落地下，要接住新娘子慨幸福，但系唔好刻意抛俾我，因为我唔保证可能半年内会嫁得出，搞唔掂！」