台慶劇《叠影狙擊》大結局
娜姐 VS 娜姐
周秀娜上演《無間道》式對峙

黃宗澤、周秀娜、黃浩然、朱鑑然、郭政鴻、關禮傑等演出的《叠影狙擊》將於今晚（12月7日） 9點半，在翡翠台播映大結局。故事講到一直扮死的梁曦 (周秀娜飾）欲借涂文諾（黃浩然飾）之手，殺死孖生家姐魏曉晨（周秀娜分飾），並借屍還魂，以曉晨的身分生活。
周秀娜你今次仲唔死？兩個娜姐作最後決戰，是否兩個只能活一個？

周秀娜揸槍戲不易做
大結局中，最期待的畫面出現了！曉晨與梁曦兩姊妹將在貨𨋢內，以手槍互相對峙，作「無間道式」對峙！周秀娜坦言對該幕戲印象深刻，「我要演晒兩姊妹，嗰場戲淨係換衫都換咗幾次，加上梁曦要解釋點解設局攞曉晨身份，又要發洩情緒，表現癲癲哋嘅狀態！」
娜姐坦言揸槍揸足一日，消耗極多體力。「一路都揸住槍冇放低，真係好攰，即係你一路要hold到個姿勢，每次NG後放低支槍，隻手好似冇咗知覺。」她指由於貨𨋢面積細，預留位置打燈及設置攝影機也很難搞。「Hold住部貨𨋢都搞咗好耐，有時有人落貨又突然有聲，所以拍攝都有困難。」

黃宗澤 黃浩然終極決戰
娜姐更劇透貨𨋢對決有玄機，敬請觀眾留意。「導演特登喺呢個位置拍，究竟家姐定妹妹會開槍？邊個會冇事？呢個係導演特登設計！」姊妹持槍對峙一幕有幾分似電影《無間道》中梁朝偉、劉德華的天台對峙戲，周秀娜說：「《無間道》咁經典，大家睇到呢啲場面當然會諗起套戲。我知道導演好鍾意《無間道》，唔知係咪特登致敬呢？」
除了姊妹對決，大結局亦解開其他角色的結局。自從梁曦霸氣回歸兼被揭是金先生一手栽培的金夫人後，她先殺害沈飛飛（朱鑑然飾），再耍計令晟杰（黃宗澤飾）、曉晨陷入困境，究竟今晚曉晨能否避過一劫？深愛着曉晨的晟杰和文諾亦會決一死戰，最終曉晨情歸何處？