非份之罪｜江欣燕惊讶入围角逐最佳女配角尖叫：我当我攞咗㗎喇

江欣燕今日（12日）现身将军澳电视城出席TVB新剧《非份之罪》造型活动，她接受采访分享新剧角色：「因为我屋企就好缺钱，所以我得闲就攞啲嘢去凼吓房慨老细，渠畀啲小费我，但我唔觉意就牵涉咗case入边。」她续指全套喜剧只着一套清洁服装为主，并表示：「我识得执床，但唔系酒店嗰只，但剧本要折衫应该会容易啲学。」

讲到最近有报道重提当年指眼部视觉受损严重，看马路竟见六条白线，她表示：「嗰阵时我坐朋友架车返公司，我系睇到双白线有两条，但原来白内障会重叠画面，所以双白线叠住三次，所以就六条，如果送钻石畀我，我会见到三粒。」至于目前眼部的情况，她说：「其实拍《毕打自己人》已经同公司申请去做手术，咁都已经10几，20年啦！基本上都极度清晰慨。」

被问到昨日（11日）入围万千星辉「最佳女配角」，她马上尖叫回应：「我唔知呀！系边一套。我当我攞咗㗎喇！因为开紧工我冇留意，我自己觉得系奖金同埋奖品，有埋奖品我梗系开心啦！」至于会否呼吁网民投票，她表示：「会，多谢你哋投江欣燕一票。」讲到哪一位是竞争对手，她说：「贵公司有咁多好慨演员，我唔觉得边个会好过边个，我觉得呢一行系大家都要奋斗，个个做得角色慨都系艰苦慨成果，边个攞都一样。」被问到会不会恨夺得这项奖项，她说：「咁你送畀我一定会去攞慨！」