· 周嘉洛預告即將再度暫《愛．回家》 入圍視帝十強謙虛表示唔夠班 | TVB娛樂新聞台

· 處境劇《爱回家之开心速递 》嘅一眾演員，呢日一身紅噹噹打扮慶祝冬至兼預祝聖誕，不過喺冬至呢個應該一家團聚嘅日子， 周嘉洛KALOKCHOW 就預告即將再度離家去拍第二套劇，搞到公公劉丹好唔捨得呀！嘉洛話新劇有打戲，所以嚟緊要開始練武，對於公公開到聲話唔捨得自己，嘉洛即刻回應：「公公我愛你！」仲即場獻吻添，不過呢一吻就俾丹爺嫌棄話太假喇！

· 講到有份憑劇集《寵愛Pet Pet》入圍視帝最後十強，嘉洛就表現得好謙虛，話要幫同樣有份入圍嘅叔公單立文拉票，嘉洛仲話自己已經投票俾叔公喇！話晒呢日都係《愛．回家》主場，嘉洛真係好識做呀！

· 而風少陳浚霆就成功打入飛躍進步男藝員最後十強，但估唔到同佢關係緊密嘅三太樊亦敏竟然自爆冇投票俾佢，搞到風少嬲爆爆話要喺所有社交媒體unfollow三太呀！

Love_Mai·K_盛夏·mmc的微博视频

发布时间： 2023-12-23 15:46:04